1 Jesus stig i Baat ved Stand,
Lærer Folk, som stend paa Land.
So han byd: Til Fiskje far!
Og av Simon sær det Svar:
I all Natt me faafengt for,
Men eg fer daa paa ditt Ord!

2 Jesus, stig til oss um Bord!
Me vil fara paa ditt Ord
Utan Tvil og utan Sut,
Um det og ser raadlaust ut.
Etter lang og vonlaus Natt
Syner du din Rikdoms Skatt.

3 Herre jesus, paa ditt Ord
Legg eg ut paa Livsens Fjord.
Naar du med meg fara vil,
Leggja di Velsigning til,
Daa eg veit, eg fer so vel,
Landar rik og glad og sæl.

4 Simon ser den fulle Baat,
Og han fell paa Kne med Graat:
Herre, gakk fraa meg i Land,
For eg er ein syndug Mann!
Men du, Jesus, ikkje gjeng:
Vel du veit, kvat mest han treng.

5 Jesus, um du gjeng din Veg,
Aa kor gjeng det daa med meg1
For eg er ein Syndar stor,
Du den einaste paa Jord,
Som fraa Syndi frelsa kann:
Gakk daa ikkje, Frelsarmann!

6 Ja, eg er ein syndug Mann,
Deg eg ikkje missa kann;
For mot Syndi du veit Raad
Med di dyre Songings-Daad.
Men den, du vil ganga fraa,
Døy i Syndi visst han maa.

7 Herre Jesus, med oss ver
Paa vaar Ferd i Verdi her!
Fylg du oss i Dagsens Strid,
Fylg oss, naar til Kvelds det lid!
Herre Jesus, paa ditt Ord
Lat oss fara vel fraa Jord!