Sankta, Sankta, Sankta ! Dio Eternulo !
    Frumatene nian laŭdon kantos ni al Vi :
Sankta, Sankta, Sankta ! Forta kaj kompata !
    En tri Personoj, unu glora Di'.

Sankta, Sankta, Sankta ! sanktular' adoras,
    Ĉe la vitra maro orajn kronojn ĵetas ĝi ;
Antaŭ Vi ĥeruboj falas kaj serafoj,
    Estis kaj estas kaj ĉiam estos Vi.

Sankta, Sankta, Sankta ! kvankam Vi kaŝiĝas,
    Kaj rigardi vian gloron eĉ ne povas ni,
Vi sanktega estas, kaj krom Vi neniu
    Estas perfekte pura, ama, Di'.

Sankta, Sankta, Sankta ! Dio Eternulo !
    Vian Nomon laŭdos ĉio, kion faris Vi :
Sankta, Sankta, Sankta ! Forta kaj kompata !
    En tri Personoj, unu glora Di'.   Amen.